上奶湯水分享 蓮藕花生豬手湯

更新日期:3月 16


母乳媽媽多數最關心既都係-上奶!!

如果飲得多木瓜魚湯覺悶,可以試下飲呢個蓮藕花生豬手湯。幫助增乳既食物有好多,例如三文魚頭、豬手、花生、章魚等,媽媽們可以自行配搭就無咁悶啦。

好多媽咪求好心切,生完即刻飲上奶湯。

但係乳管未暢通前飲上奶湯,好容易會造成塞奶甚至石頭奶嫁!記住記住,生完唔好心急即刻飲上奶湯或其他上奶食物。

要等乳管暢通後(乳汁順利排出餵到BB/乳房呈鬆軟狀)飲,咁就事半功倍啦。

乳汁的分泌其實更取決於良好既餵哺習慣及媽媽本身的體質。上奶湯只係一個輔助,並唔係萬能嫁!

材料: 豬手1斤 蓮藕1斤 花生2兩 章魚乾 適量 蜜棗2粒 陳皮1角

做法: 1. 將蓮藕去皮,豬手飛水備用 2. 陳皮浸軟刮囊,花生及章魚乾洗淨浸軟 3. 將材料放進煲裡加水2500毫升,豬手水滾後放 4. 煲3個小時即可飲用

餵母乳遇到問題? 搵我地既專業催乳師免費諮詢 📞 2578 9238


0 次瀏覽

COPYRIGHT @ 「天恩陪月服務公司」 。
「天恩陪月服務公司」為商業登記處所發出之商業登記證上的登記名稱。
「Tin Yan Company Hong Kong」 為勞工處所發出之職業介紹所牌照上的登記名稱,牌照號碼:59092。