產後第一湯 淮山茨實豬骨湯

產後第一湯!唔係上奶湯,唔係大補湯,而係要健脾! 因為產後媽媽脾胃非常虛弱,而脾主運化,係氣血生化之源,意指只有脾胃好,氣血先會好。 氣血好,太太精神先會好;乳汁才會充足 所以,產後第一重點 一定係先調脾健胃,養好胃口,先繼而作其他調補 淮山、茨實係平性之餘又健脾養胃既藥材,除左豬骨外亦可搭配螺頭或石祟魚,補脾之餘對手術後傷口癒合好有幫助! 坐月既調補唔可以心急,要循序漸進先達到最好既效果嫁! 材料: 淮山 50克 茨實 30克 蓮子 50克 西施骨 400克 瑤柱 適量 陳皮 一角 蜜棗 2粒 做法: 1. 淮山、茨實稍浸軟後飛水備用(以去除藥材中的硫磺) 2. 蓮子、瑤柱洗淨備用;陳皮浸軟刮囊;西施骨飛水備用 3. 將材料放進煲裡加水2500毫升,豬骨水滾後下 4. 煲3個小時即可飲用 餵母乳遇到問題? 搵我地既專業催乳師免費諮詢 📞 2578 9238

上奶湯水分享 蓮藕花生豬手湯

母乳媽媽多數最關心既都係-上奶!! 如果飲得多木瓜魚湯覺悶,可以試下飲呢個蓮藕花生豬手湯。幫助增乳既食物有好多,例如三文魚頭、豬手、花生、章魚等,媽媽們可以自行配搭就無咁悶啦。 好多媽咪求好心切,生完即刻飲上奶湯。 但係乳管未暢通前飲上奶湯,好容易會造成塞奶甚至石頭奶嫁!記住記住,生完唔好心急即刻飲上奶湯或其他上奶食物。 要等乳管暢通後(乳汁順利排出餵到BB/乳房呈鬆軟狀)飲,咁就事半功倍啦。 乳汁的分泌其實更取決於良好既餵哺習慣及媽媽本身的體質。上奶湯只係一個輔助,並唔係萬能嫁! 材料: 豬手1斤 蓮藕1斤 花生2兩 章魚乾 適量 蜜棗2粒 陳皮1角 做法: 1. 將蓮藕去皮,豬手飛水備用 2. 陳皮浸軟刮囊,花生及章魚乾洗淨浸軟 3. 將材料放進煲裡加水2500毫升,豬手水滾後放 4. 煲3個小時即可飲用 餵母乳遇到問題? 搵我地既專業催乳師免費諮詢 📞 2578 9238

COPYRIGHT @ 「天恩陪月服務公司」 。
「天恩陪月服務公司」為商業登記處所發出之商業登記證上的登記名稱。
「Tin Yan Company Hong Kong」 為勞工處所發出之職業介紹所牌照上的登記名稱,牌照號碼:59092。